ШЫҰ Астана саммитінде қаралатын құжаттар тізімі бекітілді
![шыұ шанхай ынтымақтастық ұйымы](/static/img/plug.webp)
АСТАНА. KAZINFORM – Елордада Астанада Шанхай ынтымақтастық ұйымына мүше мемлекеттер Сыртқы істер министрлерінің отырысы аяқталды. ШЫҰ Бас хатшысы Чжан Мин БАҚ өкілдеріне мәлімдеме жасады.
«Бүгінгі кездесудің негізгі міндеттерінің бірі - биыл шілдеде Қазақстанда өтетін Астана саммитіне кешенді дайындалу. Оған мүше мемлекеттер көшбасшыларының қарауына шығарылатын тақырыптар мен құжаттардың тізбесі бекітілді. Оның ішінде ШЫҰ-ға мүше мемлекеттер басшыларының Астана декларациясының жобалары, ШЫҰ-ның «Әділ бейбітшілік үшін әлемдік бірлік туралы» бастамасы, ШЫҰ-ның серіктестерімен диалог бойынша өзара іс-қимылды дамыту жөніндегі жол картасы, басқа да бірқатар құжат бар», - деді Чжан Мин.
Бас хатшының айтуынша, бүгінгі отырыста басқа елдер мен әріптестік халықаралық құрылымдар арасында ШЫҰ-ның тартымдылығы мен оң имиджін айғақтайтын ұйымды кеңейту процесіне ерекше назар аударылған.
![шыұ шос](https://img.inform.kz/kazinform-photobank/media/2024-05-21/a84bed62-0640-461b-9ae6-0882738d26b0.jpeg)
«Беларусь Республикасының Сыртқы істер министрі С. Ф. Алейниктің қатысуымен Беларусь Республикасын ШЫҰ-ға қабылдау рәсімін қарастырдық. Сонымен қатар, отырыс барысында тараптар ШЫҰ қызметін жетілдіру мәселелерін, атап айтқанда, ШЫҰ органдарының жаңа жағдайда жұмыс істеу тиімділігін арттыру мәселелерін талқылады», - дейді ол.
Бүгін Астанада ШЫҰ-ға мүше мемлекеттер сыртқы істер министрлері кеңесінің отырысы өтті.
![шыұ шос](https://img.inform.kz/kazinform-photobank/media/2024-05-21/3acc1521-e683-40d0-8b42-b825c3a8cb96.jpeg)