ШҚО-да ақау шыққан АН-2 ұшағы мәжбүрлі түрде бидай алқабына қондырылды
Ведомствоның хабарлауынша, 17 шілдеде Алтай ауданында АН-2 ұшағы бидай алқабына қонуға мәжбүр болған.
«Ұшақ Өскемен қаласынан Алтай қаласына ұшып бара жатқан. Өскеменнен 40 шақырымға ұзағаннан кейін ауа температурасының жоғарылығына байланысты қозғалтқыштың температурасы тиісті параметрден асып кеткен. Төтенше жағдайға жол бермеу үшін экипаж қауіпсіз орынды таңдап алып, қонуға мәсжбүр болды. Қозғалтқын салқындағаннан кейін ол жерден ұшып шығу қауіпті екені белгілі болды. Топырақ жұмсақ болған соң ұшақтың аударылып қалу қаупі бар еді», - деді Шығыс Қазақстан облысының Авациялық бөлімшесінің директоры Виктор Губарев.
Осыдан кейін экипаж автокөлік жолы арқылы ұшып шығу туралы шешім қабылдады.
Виктор Губаревтың айтуынша, өтіп жатқан адамдар жол бойында бекет жасап, ұшақ әуеге сәтті көтерілген.
Қазіргі уақытта аталмыш оқиға бойынша қызметтік тергеу жүргізіліп жатыр.
Әкімдіктің хабарлауынша, ұшақ Қазавиаорман шаруашылығын қорғау қызметінің тапсырмасы бойынша шекарадағы орманды шолып шықпақ болған. Өйткені ресейлік шекара қызметі Қазақстан аумағынан түтін шығып жатқанын хабарлаған. Ұшақпен ол жақ тексеріліп, ешқандай өрттің жоқтығын анықтаған. Алайда осыдан кейін сағат 15.52 кезінде Ресейдің Алтай Республикасы бойынша ТЖМ кезекші бөлімінен ШҚО аумағында орманның өртеніп жатқаны туралы тағы бір хабарлама келіп түскен. Сағат 16.45 кезінде ұшып шыққан дәл осы АН-2 ұшағының қозғалтқышы қызып кеткен. Көрсетілген орынды тексергеннен кейін түтіннің Ресей тарапынан шығып жатқаны анықталған.