ШҚО-да егін жинау кезінде комбайн отқа оранды

ӨСКЕМЕН. KAZINFORM – Шығыс Қазақстан облысы Алтай ауданында егін жинау кезінде комбайн өртенді. 

Оқиға Алтай ауданы Ермаковка ауылында болған. Бұл туралы ШҚО Төтенше жағдайлар департаментінің баспасөз қызметі хабарлап отыр.

«Есіл-760» маркалы комбайнда күнбағыс жинау кезінде өрт шықты. Сол жерге өрт сөндірушілер шұғыл келіп жетті. Көп ұзамай жалпы ауданы 20 шаршы метр аумақты құраған қызыл жалын толықтай ауыздықтады», - деп хабарлады ведомство өкілдері.

Абырой болғанда, зардап шеккен ешкім жоқ. Осы ретте, құтқарушылар өңір жұртшылығына барынша абай болып, өрт қауіпсіздігі ережелерін қатаң сақтау қажеттігін ескертті.

Еске салсақ, бұған дейін ШҚО-дағы кәсіпорындардың жұмысшыларға қарызы 60 млн теңгеден асатындығы хабарланған.