ШҚО-да қыстың көзің қырауда ауыл мектебінде жарық пен жылу өшіп қалды
ӨСКЕМЕН. KAZINFORM — Шығыс Қазақстан облысы Глубокое ауданындағы мектепте жарық пен жылу өшіп қалды.
Глубокое ауданы Черемшанка ауылындағы мектепте жылу мен жарық өшіп қалған.
Білім ордасына Шығыс Қазақстан облысының әкімі Ермек Көшербаев барды.
«Туындаған мәселенің анық-қанығымен таныстым. Кеше трансформаторлық қосалқы стансаның жұмысындағы ақауларға байланысты жарық пен жылыту жүйесі істен шыққан. Бұл кезде мектепте оқушылардың болмағанын бірден атап өтейін. Өйткені олар қашықтан оқып жатты», — деді әкім.
Қазіргі уақытта «Біріккен энергосервистік компания» АҚ қызметкерлері жедел мектепке келіп, апаттың себебін анықтап, электр қуаты мен жылуды іске қосқан.
Сондай-ақ Ермек Көшербаев білім мекемесін орташа жөндеу қай кезеңге жоспарланғанымен танысып, педагогикалық ұжыммен өзекті мәселелерді талқылады.
