ШҚО-да қолайсыз күн райы салдарынан жол жабылды

АСТАНА. KAZINFORM — «ҚазАвтоЖол» ҰК Шығыс Қазақстан облысында көлік қозғалысын шектеу туралы шұғыл ақпарат таратты.

— 2025 жылғы 15 сәуір сағат 20:50–де ауа райының бұзылуына байланысты «Өскемен — Алтай — Үлкен Нарын — Катонқарағай — Рахман қайнары» автожолының 6-166 шақырым аралығындағы учаскесінде (Ушановское ауылынан Алтай қаласына дейін) көліктердің барлық түрінің қозғалысына шектеу қойылды, — делінген ведомство хабарламасында.

Бұған дейін Шығыс Қазақстан облысы Зайсан ауданында қамыс пен шөпті шарпыған жалын толықтай өшірілгені белгілі болды.