ШҚО-да көлік өртену салдарынан өрт далаға жайылып кетті (ФОТО)
Құрбандар мен зардап шеккендер жоқ. Тергеушілер қысқа тұйықталу нұсқасын қарауда. Көлік жүргізушісі өртті өз бетінше сөндіре алмаған, жанған көліктен тараған өрт құрғақ шөпке лап қойып тез жайылған.
Өрт сөндірушілер жеткенде жалын 20 гектар алаңды шарпып үлгерді.
Жарма ауданында Алматы-Өскемен тас жолының 979 шақырымында «Mercedes-Benz» жеңіл көлігі жолда келе жатып, мотор бөлігі, салон, орындық, аспап панельдері, дөңгелектің екі тысы өртке оранды. Өрт себебі қаупі жоғары агрегатты дұрыс пайдаланбау болуы мүмкін.
Өткен тәулікте Өскеменде көлікте тағы екі өрт тіркелді. 19 шілдеде сағат 22 03 минутта №3 маршрут бойынша жолда келе жатқан трамвайда өрт орын алды. Сол күні Джержинский көшесі бойынша тұрғын үй ауласында уақытша тұрақта тұрған «Фольксваген-Пассат» көлігі жанып кетті.