ШҚО-да Өнеркәсіптік энергия аудиті орталығы құрылды - сарапшы-студенттердің алғашқы тобы кәсіпорындарды тексеруге кірісті (ФОТО)

ӨСКЕМЕН. ҚазАқпарат - Энергия аудиті бойынша арнайы оқудан өткен Д. Серікбаев атындағы Шығыс Қазақстан мемлекеттік техникалық университетінің оқытушылары мен студенттері аймақтың өнеркәсіп нысандарындағы энергия тиімділігін сараптауға кірісті.

ЖОО базасында Өнеркәсіптік аудит орталығы құрылды. Мұнда энергия аудитін жасайтын кадрларды дайындайды. Ілкі жоба ретінде экспресс-энергия аудитін жүргізу үшін «Өскемен арматура зауыты», «Өскемен құс фабрикасы» мен «AES Өскемен ЖЭО» таңдалды.

Энергетика және техникалық физика кафедрасының доценті Тамара Сегеда айтуынша, мұндай тәжірибе ЖОО студенттерінің жетекші халықаралық тәжірибені игеріп, Шығыс Қазақстанда энергия үнемдеу және энергия тиімділігін арттыру бойынша шараларға атсалысуға септігі тиеді.