ШҚО-да су басып қалған автожол жабылды

ӨСКЕМЕН. ҚазАқпарат - Шығыс Қазақстанда су тасқыны салдарынан Шемонаиха-Секисовка бағытындағы жол жабылды, деп хабарлайды ҚазАқпарат.

Облыстық жолаушы көлігі және автомобиль жолдары басқармасының ақпаратына сүйенсек, бүгін сағат 14.00-ден бастап «Шемонаиха-Секисовка» жолының 0-20 шақырымы аралығы барлық көліктер үшін жабық. Оған өңірдегі су тасқыны жағдайы себепші болған.

«Аталмыш бөлікте су жолдың бетіне шығып кеткен. Жайылған суды ауыздықтау үшін барлық қызметтер күш салуда. Қарғын судың бетін қайтарғанша көлік қозғалысына рұқсат жоқ» - дейді басқарма маманы Нұрбек Тұраров.


Иллюстрациялық фото