ШҚО-да Тұңғыш Президент күніне арналған «Не? Қайда? Қашан?» интеллектуалдық ойыны өтті (ФОТО)

ӨСКЕМЕН. ҚазАқпарат - А. С. Пушкин атындағы кітапхана жанындағы Жастар зияткерлік орталығы (ЖЗО) ұйымдастырған жоғары сынып оқушылары мен студенттерге арналған «Не? Қайда? Қашан?» интеллектуалдық ойыны Тұңғыш Президент күніне арналды. Ойында Елбасы туралы сұрақтар болды.

4 құрама - қалалық КВН, «Парасат» дебат клубы, «Жүректен жүрекке» еріктілер клубы және КАСУ студенттер тобы бәсекелесті.

Сұрақтардың арасында «Н. Ә. Назарбаев мектепті аяқтаған соң және институтқа түсуге дайындалып жатқанда қайда жұмыс істеді?», «Елбасы өз қонақтарына үй иесі ретінде не сыйлайды?», «Н. Ә. Назарбаевтың оның мұражайындағы ең сүйікті экспонатты ата» деген сұрақтар болды.

КВН командасы үздік атанды. Оның құрамында Қасым Қайсенов атындағы кенттің жоғары сынып оқушылары - Гүлден Болатова мен Ақбота Әбілмедқызы болды.