ШҚО-дағы Алтай ауданында көпір қирады
ӨСКЕМЕН. KAZINFORM – Шығыс Қазақстан облысы Алтай ауданында көпір қирап, жол уақытша жабылды.
Алтай ауданындағы «Октябрь өткелі-Алтайка-Жаңа Хайрузовка» жолындағы көпірдің тіректерін жер асты сулары шайып кеткен. ШҚО Ақпарат орталығының мәліметіне сүйенсек, жол уақытша жабылды.
«Ауданның Алтайка, Кремнюха ауылдары мен шаруа қожалықтары, Үлкен Нарын ауданының Алыбай, Приморск елді мекендері арасындағы көлік қатынасын қамтамасыз ету үшін республикалық маңызы бар «Өскемен-Алтай-Үлкен Нарын-Рахман қайнары» автомобиль жолын пайдалану ұсынылды», - делінген хабарламада.
Қазіргі уақытта оқиғаның себептерін анықтау үшін арнайы комиссия құрылды.
Көпірмен жүруге шектеу қойылып, жол белгілері орнатылды. Сондай-ақ уақытша айналма жол салу жұмыстары басталып кетті.
