ШҚО-ның білім басқармасына жаңа басшы тағайындалды

ӨСКЕМЕН. ҚазАқпарат - ШҚО-да өңірлік білім басқармасының басшысы ауысты. Бұл қызметке бұрын облыстық білім беру саласындағы бақылау департаментінің басшысы болған Нұргелді Әбжапаров тағайындалды, деп хабарлайды «ҚазАқпарат» ХАА тілшісі. 

ШҚО білім басқармасына жаңа басшы болып Нұргелді Әбжапаров тағайындалды. Ол 1980 жылы дүниеге келген. Білімі - «Халықаралық іс жүргізу» (2001 ж.), «Заңгер» (2006) MBA

2002-2003 жылдары ҚР ІӘ қатарында борышын өтеді.

Еңбек жолын 2003-2004 жылдары Астана қаласының Алматы ауданы әкімі аппаратында бастаған.

2004-2008 жылдары сот жүйесінде жұмыс істеді.

2008-2010 жылдары коммерциялық құрылымдарда, 2010-2011 жылдары прокуратура органдарында, 2011-2015 жылдары «Казатомпром» ҰАҚ АҚ басшылық лауазымдарда қызмет атқарды.

2015 -2016 жылдары «Универсиада өткізу жөніндегі дирекция» МҚ директорының орынбасары болып қызмет етті.

2016-2017 жылдары Шығыс Қазақстан облысының білім саласындағы бақылау департаментінің басшысы.

Облыстық білім басқармасының бұрынғы басшысы Айжан Садықова облыстық педагогтар кәсіподағына ауысты.