Шотландия билігіне алғаш рет мұсылман саясаткер келді

АСТАНА.ҚазАқпарат - Хумза Юсаф партияластарының 52 пайыздан астам дауысын жинап, Шотландия Ұлттық партиясының (SNP) жаңа жетекшісі болды. Сейсенбі күні Шотландия парламенті оны Шотландияның жаңа бірінші министрі етіп бекітті, деп хабарлайды ҚазАқпарат ВВС-ге сілтеме жасап. https://www.bbc.com/russian/news-65090430

Партияның жаңа көшбасшысын сайлау 13 наурызда басталды.

Бір ай бұрын Шотландияның Ұлттық партиясының жетекшісі және Шотландияның бірінші министрі Никола Стерджен сегіз жылдан астам қызметінен кейін отставкаға кететінін мәлімдеді.

Конкурсқа бір жынысты некеге қатысты көзқарасы үшін басы дауға қалған қаржы министрі Кейт Форбс, Шотландиядағы гендерлік реформаларға байланысты министрлік қызметінен кеткен және қазір тәуелсіздік қозғалысын біріктіруге тырысып жүрген Эш Риган және кандидатурасын партия басшылығы қолдаған Юсаф қатысты.

Хумза Юсаф 1979 жылдан бергі партияның бесінші жетекшісі болды.

Оның басты міндеті - соңғы жылдары Шотландия саясатында үстемдік етіп, Стерджен кеткеннен кейін бірқатар мәселелерге тап болған партияны біріктіру.

Юсаф саяси көзқарасына қарамастан бірінші министр болып бекітілсе, Шотландияның барлық тұрғындарының атынан шығатынын бірден мәлімдеген.

Еске сала кетейік, бұған дейін Шотландияның бірінші министрі отставкаға кеткенін хабарлаған едік.