Шри-Ланка БРИКС-ке кіруге өтініш береді

АСТАНА. KAZINFORM — Шри-Ланка Қазандағы саммитте БРИКС пен БРИКС Жаңа даму банкіне қосылуға ресми өтінім беруді жоспарлап отыр және қауымдастыққа мүше елдерге оның мүшелігін қолдау туралы өтінішпен жүгінген. Бұл туралы Шри-Ланка Сыртқы істер министрлігінің басшысы Вижита Херат мәлімдеді, деп хабарлайды ТАСС ақпарат агенттігі. 

«Шри-Ланка БРИКС пен Жаңа Даму Банкіне (БРИКС) қосылуға өтінім беру туралы шешім қабылдады. Мен БРИКС-ке мүше елдердегі әріптестеріме хат жолдап, қолдау көрсетуді сұрадым», — деп келтірді Хераттың сөздерін аралдық мемлекеттің сыртқы саяси ведомствосының ресми сайты.

Шри-Ланка Сыртқы істер министрлігі басшысының айтуынша, елдің жаңа президенті Анура Кумара Диссанаяке мен оның өзі елде алдағы парламенттік сайлауға байланысты Қазанда өтетін БРИКС саммитіне қатыса алмайды. 

«Сыртқы істер министрінің орынбасары Шри-Ланка атынан өкілдік етіп, мүшелікке өтуге ресми түрде өтінім береді», — деді Херат.

Бұл ретте ол Қазанға баратын министр орынбасарының есімін атаған жоқ.

Шри-Ланка БАҚ атап өткендей, БРИКС саммитіне Шри-Ланка Сыртқы істер министрінің бірінші орынбасары Аруни Вижевардане барады.

«Біз БРИКС-ті БҰҰ Жарғысы аясында жан-жақты көпжақтылықты нығайту арқылы өзара тиімді ынтымақтастықты, бейбітшілік пен дамуды жүзеге асыру үшін тиімді серіктестіктің бірлестігі ретінде қарастырамыз», — деді Херат.

Kazinform үшін арнайы ТАСС серіктес агенттігі ұсынған.

Айта кетейік, жақында «БРИКС Плюс» мемлекеттері жоғары өкілдерінің кездесуі өтті.

Бұған дейін Малайзия, Баку, Түркия және Әзербайжан сынды мемлекеттер БРИКС-ке қосылуға өтініш берді.