Шри-Ланкада су тасқынынан 200-ден астам адам қаза тапты
АСТАНА.ҚазАқпарат - Шри-Ланкадағы нөсер жауыннан кейінгі сел мен су тасқыны салдарынан қаза тапқандар саны 202-ге жетті, із-түссіз жоғалғандар саны 96, деп хабарлайды ресейлік ТАСС агенттігі.
Агенттіктің мәлімдеуінше, өткен жұмада басталған ауа райының қолайсыздығынан 77 мыңға жуық адам өз үйлерінен тастап кетуге мәжбүр болған. 1,5 мыңға жуық ғимарат қираған.
Шри-Ланка қарулы күштері Үндістанның әскери-теңіз күштерінің көмегімен іздестіру-құтқару жұмыстарын жалғастырып жатыр. Елге БҰҰ, Австралия, Жапония және Пәкістан елдері гуманитарлық көмек көрсетті, Қытай, Ресей және АҚШ көмек қолын созуға әзір екенін білдірді.
