Шу қаласында өртте жас жігіт пен бойжеткен көз жұмды

АСТАНА. 16 наурыз. ҚазАқпарат - 16 наурыз күні түнгі сағат екі жарым шамасында Жамбыл облысының Шу қаласында 5 қабатты көппәтерлі үйден өрт шықты.

ҚР ТЖМ-нің баспасөз қызметінен хабарланғандай, өрт үшінші қабатта орналасқан пәтерде болды. Жалын толығымен 25 минуттан кейін сөндірілді. Тілсіз жауды ауыздықтауға Жамбыл облысы бойынша ТЖД өртке қарсы қызметінің 3 адамы мен 11 техникасы жұмылдырылды. Өрт орнында 22 жастардағы жігіт пен бойжеткеннің мәйіттері табылды.