Щучинск қаласында екі жасар бала бесінші қабаттың терезесінен құлап кетті

АСТАНА. KAZINFORM – Щучинск қаласында екі жасар бала бесінші қабаттың терезесінен құлады.

Оқиға бүгін Ақмола облысының көпқабатты тұрғын үйдің аумағында болған. 

Төтенше жағдайлар министрлігінің баспасөз қызметі түрлі жарақаты бар бала ауруханаға жатқызылғанын мәлімдеді.

«ТЖМ ескертеді: Кішкентай балаларды қараусыз қалдырмаңыз,ешқашан москит торларына сенбеңіз. Олар құлаудан қорғауға арналмаған. Балаларға ересектердің қарауынсыз балконға шығуға рұқсат бермеңіз», - делінген хабарламада.