ШҰҒЫЛ: ҚР Мәдениет және ақпарат министрі болып Дархан Мыңбай тағайындалды

   АСТАНА. 23 қаңтар. ҚазАқпарат / Марлан Жиембай / - Үкімет басшысы Мәдениет және ақпарат министрлігінің ұжымына ведомствоның жаңа басшысы Дархан Мыңбайды таныстырды.

Мыңбай Дархан Қамзабекұлы 1962 жылы 26 қаңтарда Оңтүстік Қазақстан облысында туған. 1985 жылы М.В.Ломоносов атындағы Мәскеу мемлекеттік университетін бітірген, журналист.

1985-1990 жылдары - КСР Министрлер Кеңесі жанындағы Ақпараттық агенттіктің (ҚазТАГ) редакторы, аға редакторы, аға әдеби бақылаушы редакторы.

1990-1994 жылдары - Қазақстан Республикасы Жоғарғы Кеңесінің аппаратында аға консультант, аға референт.

1994-1996 жылдары - «Өркен»-«Горизонт» республикалық газеттерінің бас редакторы.

1996-1997 жылдары - «Қазақстанның телевидениесі мен радиосы» республикалық корпорациясының вице-президенті.

1997-2002 жылдары - Оңтүстік Қазақстан облысы әкімінің орынбасары.

2002-2004 жылдары - Оңтүстік Қазақстан облысы Ішкі саясат және жастар ісі жөніндегі департаментінің бастығы.

2004-2006 жылдары - Оңтүстік Қазақстан облысындағы Түлкібас ауданының әкімі.

2006-2008 жылдары - Оңтүстік Қазақстан облысы әкімінің орынбасары.

2008 жылғы сәуірден 2008 жылғы қарашаға дейін - Қазақстан Республикасы мәдениет және ақпарат вице-министрі.

2008 жылғы қарашада Мемлекет басшысының Өкімімен Қазақстан Республикасы Президенті Әкімшілігі Ішкі саясат бөлімінің меңгерушісі қызметіне тағайындалды.