ШҰҒЫЛ: Таразда бірнеше жарылыс болды

ТАРАЗ. 12 қараша. ҚазАқпарат /Галина Скрипник/ - Жамбыл облыстық құқық қорғау органының жедел қызметкерінен белгілі болғандай, бүгін Таразда бірнеше жарылыс болды. Барлық жарылыс фактілері қаланың орталық бөлігінде шоғырланған. Жарылыстар облыстық ҰҚК ғимаратының, облыстық АХАЖ, облыстық әкімдік ғимараты жанындағы «Отырар» дүкенінің және орталық гастроном қасында болған.

Толығырақ ақпаратты құқық қорғау органдары кейінірек береміз деп отыр, әзірге жеке құрамның барлық күштері дабыл бойынша көтерілді.