Шығыс Қазақстанда облысында үш учаскеде жол жабылды

ӨСКЕМЕН. ҚазАқпарат – Шығыс Қазақстан облысында қар көшкіні қаупіне байланысты үш учаскеде жол жабылды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, өңірдегі үш тасжолда қар көшкіні түсуі ықтимал.

«Облыстық маңызы бар «Өскемен-Алтай», «Өскемен-Таулы Үлбі-Алтай альпісі» және «Тайынты-Самар» тасжолдарында көліктің барлық түрі үшін қозғалысқа тыйым салынды», - делінген ақпаратта.

Осы ретте, құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобильдік қосымшасы арқылы тексеріп отыруға кеңес берді.

Еске салсақ, бұған дейін Шығыс Қазақстан облысында қар көшкінінің алдын алу үшін тауда 2 рет жарылыс жасалғаны хабарланған еді.