Шығысқазақстандықтар Қазақстанның қоғамдық күштерін коалицияға бірігуге шақырған үндеу тастады

ӨСКЕМЕН. 14 қаңтар. ҚазАқпарат /Людмила Малько/ - Өскеменнің Спорт сарайында Қазақстанның демократиялық күштерінің жалпыұлттық коалициясын құру туралы «Нұр Отан» партиясының бастамасын қолдаған қоғамдық митинг өтіп жатқанын ҚазАқпарат бұған дейін хабарлаған болатын.

Жиынға қатысушылар коалицияны құруға қолдау білдіретіндерін мәлім етіп, Қазақстан жұртшылығына үндеу қабылдады.

«Алдағы онжылдықта біздің елімізді жаңа маңызды міндеттер күтіп тұр. Біз Отанымызды гүлдендіру жолында Елбасымызға қолдау білдіруіміз және 2020 жылға дейінгі Қазақстанның даму стратегиясын жүзеге асыруға белсенді атсалысуымыз керек», делінген Үндеуде.