Шымкент тұрғыны тапа-тал түсте оқ жаудырды

ШЫМКЕНТ. 14 ақпан. ҚазАқпарат - Шымкентте екі көліктің жүргізушісі жолға таласып қалды. Олардың бірі өзінің дұрыстығын қарудың көмегімен дәлелдегісі келді.

Бұлардың оқпен атылатын қару қолданғандарын облыстық ішкі істер департаментінің баспасөз қызметіндегілер растады.

Әзірге расталмаған мәліметтер бойынша, оқ жарақатын алған жүргізушілердің бірі ауруханада жатыр. Бұл оқиғамен Әл-Фараби полиция бөлімінің қызметкерлері шұғылданып жатыр. Кінәліні анықтауға ІІД жедел басқару орталығының бейнебақылау камералары көмектесуі мүмкін.