Шымкентте автобус аударылып, 13 адам жапа шекті - ФОТО

ШЫМКЕНТ. ҚазАқпарат - Шымкентте жол-көлік оқиғасынан 13 адам зардап шекті. Қазіргі уақытта олардың көпшілігі жедел медициналық көмек ауруханасында тексеруден өтуде.

«Зардап шеккендер орташа дәрежелі ауыр жарақат алған. Кейбірінің миы шайқалса, енді біреулерінің денелері көгерген, жараланған, қаза тапқандар жоқ», - деді аурухананың қабылдау бөлімшесінің меңгерушісі Сәбит Байбосынов.

Ауруханаға жатқызылғандардың барлығы - қалалық автобустың жолаушылары. Ол Төреқұлов пен Аймауытов көшелерінің қиылысында аударылған. Куәгерлердің айтуынша, автобус қарсы жолаққа шығып кеткен, содан автобусты басқара алмай қалған. Апаттың нақты себептерін ОҚО ІІД тергеушілері анықтау үстінде.