Шымкентте Наурызды ұлттық спорт ойындарымен атап өтті

ШЫМКЕНТ. 22 наурыз. ҚазАқпарат - Шымкентте Наурыз мерекесін қалалық ипподромда атап өтті.

Оған қала тұрғындары мен Оңтүстік Қазақстанның облыс орталығының қонақтары - барлығы мыңнан астам адам жиналды.

Ипподромның алдында алтыбақан орнатылды, киіз үйлердің маңында наурыз көже мен палау дайындалып, мерекеге келген барша қонақ олардан дәм тата алды.

Ипподромның өзінде қазақтың ұлттық ойындары: көкпар, бәйге және қыз қуудан жарыстар өтті.

Мерекеге шымкенттіктер жанұяларымен бірге келді, қалалықтар үшін сахнада концерттік бағдарлама көрсетілді.

Естеріңізге сала кетейік, биылғы жылы Оңтүстік Қазақстанда Наурыз мерекесі 9 күн тойланады. Күндердің әрқайсысының атауы болды: «Көктем шуағы», «Тағзым күні», «Алас күні», «Береке күні», «Өніс күні», «Жайнау күні», «Шаттық күні», «Үйлесім күні», соңғы күн - «Ұлыс күні» деп аталды.