Шымкентте өткен республикалық айтыста бас жүлдені Дәурен Ақсақалов иеленді

АСТАНА. ҚазАқпарат - Шымкентте Қазақ хандығының 550 жылдығына орай ұйымдастырылған «Көк тудың желбірегені» атты республикалық жас ақындар айтысы өз мәресіне жетті.

Оңтүстік құрамасы мен Қазақстан құрамасы арасында өткен айтыстың бас жүлдесін оңтүстікқазақстандық жас ақын Дәурен Ақсақалов иеленді. Ал бірінші орында Қызылорда облысының ақыны Мұхтар Ниязов, екінші орыннан облыс намысын қорғаған Қажымұхан Абзалов көрінді. Жүлделі үшінші орын қызылордалық Мөлдір Айтбайға бұйырды. Жеңімпаздарға облыс әкімінің арнайы дипломы мен қаржылай сыйлықтар табысталды, деп хабарлайды kazaitys.kz.