Шымкенттегі Қошқарата өзені айрықша қорғалатын аумақ мәртебесіне ие болды

ШЫМКЕНТ. Қаңтардың 28-і. ҚазАқпарат /Татьяна Пылаева/ - Шымкент арқылы ағып өтетін Қошқарата өзені айрықша қорғалатын аумақ мәртебесіне ие болды.

Бұл жөнінде облыс әкімінің баспасөз қызметі хабарлады.

12,3 гектар аумақ - өзен бастауын алатын бұлақтан қаланың ортасындағы Ордабасы алаңына дейінгі жер бұдан былай қалалық дендрабақтың бөлігі болып саналады. Оңтүстік Қазақстан облысының әкімдігінде «Шымкент мемлекеттік дендрология бағы» мемлекеттік коммуналдық кәсіпорын аумағын кеңейтудің табиғи-ғылыми және техникалық-экономикалық негіздемесін бекіту туралы» қаулыға қол қойылды», - деп хабарлайды облыс әкімінің баспасөз қызметі.

«Біздер өзенді оның тарихи мәніне сәйкестендіргіміз келеді. Өйткені бір кездері Жібек жолының бойындағы осы судың айналасында Шымкент пайда болған», - деді Оңтүстік Қазақстан облысы әкімінің бірінші орынбасары Берік Оспанов.