Сиқыршы көрермендерді «түсіп қалған» саусақтарымен таң қалдырды

АСТАНА. ҚазАқпарат - Аустралиялық видеоблогер өзінің YouTube-тегі арнасында «түсіп қалған» саусақтарымен фокус көрсеткен қысқа ролигін жариялады.

Қысқа уақыт ішінде видеоның көрілім саны 2,2 млн адамға жетті.

Көрермендерді фокусшының шеберлігі тәнті етті. Трюктің қарапайым болғанына қарамастан, адамдар видеоның астында жас жігіттің саусақтарын қайда жібергендігін, оны орнына қалай қойғандығын түсіне алмай дал болып, пікір қалдырып жатыр.