Silk Way Star жобасының қатысушылары Қазақстанды Конституция күнімен құттықтады
АСТАНА. KAZINFORM — Орталық Азия, Кавказ және Қытай елдерінен келген орындаушылар — ірі музыкалық жобаның қатысушылары «Silk Way Star» — Астана қаласы бойынша қызықты экскурсия жасады, деп жазды Kazinform тілшісі.
Мәдени бағдарлама аясында Азия елдерінен келген қонақтар Қазақстанның ұлттық дәстүрімен, рәміздерімен және рухымен танысты. Экскурсия барысында қазақ мәдениетінің элементтері — «Жеті қазына» рәміздері, патриоттық әндер мен достыққа толы жылы қарым-қатынас қатар жүрді.
Астанадағы ең биік ту тұғырында халықаралық Silk Way Star жобасының қатысушылары Қазақстан халқын Конституция күнімен және Ата Заңның 30 жылдығымен құттықтады.
Толығырақ — Ағибай Аяпбергеновтің фоторепортажында.
Еске сала кетейік, «Silk Way Star» — Азия музыкасының үні. Бұл — Азия мемлекеттері арасында алғаш ұйымдастырылған музыкалық байқау.
«Silk Way Star» — франшиза емес, отандық мамандардың медиа өнімі.
Осы байқауда Қазақстан атынан қатысып жатқан Alem «Мен үшін бұл үлкен мәртебе» деген еді.
25 тамыз күні Бейжіңде ШЫҰ-ның гуманитарлық алмасу-2025 бойынша «Үйлесімділік пен бірлік: болашақты бірге жасаймыз» форумы өтті. Форумда «Silk Way Star» халықаралық музыкалық шоуының ашылу салтанаты өтті. Бұл ҚР Президенті ТРК мен Қытай CMG медиа корпорациясының бірлескен жобасы екенін еске сламыз.
