Сингапур тағы да бірінші: Әлемдегі ең қымбат 10 қала анықталды

АСТАНА. KAZINFORM — Julius Baer банкінің 2025 жылғы байлық пен өмір салты туралы баяндамасына сәйкес, Сингапур үшінші жыл қатарынан әл-ауқаттылар үшін өмір сүру құны ең қымбат қала ретінде танылды.

Швейцариялық банк Global Wealth & Lifestyle Report 2025 есебін жариялап, «қауіпсіз әрі жоғары сапалы өмір сүруді қалайтын бай адамдар үшін ең үздік қалалар» туралы зерттеуін ұсынды.

Баяндамада айтылғандай, 2025 жылы жаһандық белгісіздік пен тұтынушылардың сақтықпен қарауы тұтыну үлгілеріне өзгеріс енгізіп, ұзақ өмірге және премиум-сыныптағы тауарлар мен қызметті жеткізушілерге сұраныстың күрделенуіне әкелді.

Julius Baer өмір салты индекстері әлем бойынша 25 қаладағы жақсы өмір символы саналатын 11 тауарға (велосипед, автомобиль, шампан, зергерлік бұйымдар, ерлердің киімі, тұрғын үй, технологиялық пакет, жүгіру жолы, сағат, әйелдердің сөмкесі мен аяқ киімі) және 9 қызметке (бизнес-класспен ұшу, дегустациялық кешкі ас, медициналық қызмет, қонақүй бөлмесі, лазерлік көз коррекциясы, адвокат қызметтері, MBA бағдарламасы, жеке мектеп, спа) негізделіп сараланды.

Сонымен әлемдегі ең қымбат 10 қала төмендегідей:

1. Сингапур

2. Лондон

3. Гонконг

4. Монако

5. Цюрих

6. Шанхай

7. Дубай

8. Нью‑Йорк

9. Париж

10. Милан

Дереккөз: Julius Baer

Сонымен қатар, Oxford Economics Global Cities Index 2025 дерегі бойынша Алматы Орталық Азиядағы ең әсем қала деп танылды.