Синоптиктер: Алдағы күндері ауа райы күрт суытады

АСТАНА. KAZINFORM — «Қазгидромет» РМК осы аптада ауа райының күрт нашарлайтынын ескертеді.

Синоптиктердің айтуынша, ел аумағынан солтүстік-батыс циклоны өтетіндіктен, қар жауып, боран соғады, көктайғақ пен тұман күтіледі.

Алайда 9 желтоқсанда антициклонның келуімен жауын-шашын тоқтап, ауа температурасы күрт төмендей бастайды.

Еліміздің бірнеше облысында аяз көтеріледі:

• 9 желтоқсанда Ақтөбе облысында ауа температурасы –13…–18°-тан –20…–25° аязға дейін түседі;

• Қостанай және Ақмола облыстарында 9–10 желтоқсанда –22…–27°, кей жерлерде –30° аяз күтіледі;

• Солтүстік Қазақстан облысында осы күндері –25…–30° аяз болжанады;

• Павлодар облысында 9–11 желтоқсанда –20…–25°-тан –25…–30°-қа дейін төмендейді;

• Қарағанды облысында 9–10 желтоқсанда аяз –15…–20°-тан –22…–32°-қа дейін күшеюі мүмкін;

• Елдің шығысында 10–11 желтоқсанда –25…–30° аяз болады.

Бұған дейін синоптиктер Астанаға не себепті қар жаумай тұрғанын түсіндірді.

Ал ауыл шаруашылығы министрінің орынбасары Азат Сұлтанов қарсыз қыстың диқандарға қалай әсер ететіні туралы пікір білдірді.