СҚО автошабандоздары автомобиль спорты бойынша ТМД ДОСААФ спартиакиадасының жүлдегерлері атанды

ПЕТРОПАВЛ. Маусымның 17-сі. ҚазАқпарат /Сергей Кузнецов/ - Ресейдің Омбы қаласында автомобиль спортынан ТМД елдерінің ДОСААФ спартакиадасы өтті. Бұл жарыстарда солтүстікқазақстандық автошабандоздар жүлдегерлер атанды.

Спартакиадаға Ресейден, Қазақстаннан, Украинадан және Қырғызстаннан командалар қатысты. Автомобильдік көпсайыс бағдарламасына жоғары жылдамдықтағы маневр, желілік слалом және пневматикалық винтовкадан ату енгізілді.

Солтүстік Қазақстан облысы құрамасының мүшелері Иван Пономарев, Денис Сурков және Николай Шелегеда жалпыкомандалық есепте қола жүлдеге қол жеткізді.