СҚО-да 2 басқармаға жаңа басшы тағайындалды
Бұдан былай СҚО жұмыспен қамтуды үйлестіру және әлеуметтік бағдарламалар басқармасы басшысының міндетін бұрын осы ведомствода орынбасар болған Ринат Елжасов атқарады.
Жаңа жетекші 1980 жылы СҚО Есіл ауданы, Ильинка елді мекенінде дүниеге келген.
1999-2002 жылдар аралығында Көкшетау университетiнде «Қаржы және кредит» мамандығы бойынша бiлiм алды.
Еңбек жолын 2003 жылы «СҚО статистика басқармасы» ММ жетекшi маманы лауазымында бастады.
2003-2011 жылдары Есіл ауданында түрлі лауазымда еңбек етті.
2012 жылы «Петропавл қаласы әкiмiнiң аппараты» ММ қаржылық-шаруашылық бөлiмiнiң басшысы болып жұмыс iстедi.
2012 жылғы маусымнан бастап облыстық әкімдікте бірнеше бөлімді басқарды.
2014 жылдан бастап осы тағайындауға дейін СҚО жұмыспен қамтуды үйлестіру және әлеуметтік бағдараламалар басқармасы басшысының орынбасары болып еңбек етті.
СҚО ішкі саясат басқармасына Асқар Хабибулин басшы болып тағайындалды. Ол 2019 жылдан бері Петропавл қаласы әкімінің әлеуметтік мәселелер жөніндегі орынбасары болып еңбек етті.
Асқар Хабибулин 1979 жылы СҚО Мамлют ауданы Прогресс елді мекенінде дүниеге келген.
М.Қозыбаев атындағы СҚУ-ді «тарих» мамандығы бойынша және Орталық-Азия университетін «юриспруденция» мамандығы бойынша тәмамдаған.
Еңбек жолын Петропавлда сауда өкілі болып бастайды.
Кейін Петропавл қалалық мәдениет және тілдерді дамыту бөлімінде бас маман, қалалық әкімдікте бас маман, бас инспектор қызметтерін атқарды.
2011 жылдан бастап 2019 жылға дейін Мамлют ауданында ішкі саясат бөлімінің басшысы, «Нұр Отан» партиясы СҚО филиалының бөлім меңгерушісі, СҚО ішкі саясат басқармасының бөлім басшысы және басқарма басшысының орынбасары лауазымдарын атқарды.
