СҚО-да 2015 жылы ауыл шаруашылығы дақылдарын сақтау қуаттылығын 124 мың тоннаға дейін ұлғайту көзделген

ПЕТРОПАВЛ. ҚазАқпарат - Өткен жылы СҚО-да жалпы сыйымдылығы 279 мың тоннаны құрайтын 7 элеватор қолданысқа берілді. Бұл туралы СҚО ауыл шаруашылығы басқармасынан хабарлады.

«2014 жылы аймақта жалпы сыйымдылығы 279 мың тоннаны құрайтын 7 элеватор қолданысқа берілді. Жалпы бүгінде өңірде ауыл шаруашылығы дәндерін сақтау қуаттылығы 6,5 млн. тоннаны құрайды, оның 3,7 млн. тоннасы - 59 лицензиясы бар нан қабылдау пункттерінде болса, 2,8 млн. тоннасы - жеке агроқұрылымдарда. Ауыл шаруашылығы дәндерін сақтау қуаттылығын 124 мың тоннаға дейін ұлғайту көзделген», - деп хабарлады ведомствода.

Атап өту керек, 2014 жылы 5,1 млн. тонна дәнді дақылдар жиналды. Бір гектардың түсімі 16,1 центнерді құраған.