СҚО-да дәнді дақыл экспортының едәуір өскені байқалды

ПЕТРОПАВЛ. 10 сәуір. ҚазАқпарат - Солтүстік Қазақстан облысында ағымдағы жылы дәнді дақыл экспортының өскені байқалуда,

деп хабарлады СҚО бойынша Кедендік бақылау департаментінің баспасөз қызметі.

 2012 жылдың алғашқы 3 айында экспорттық тауар айналымы 172,3 млн. АҚШ долларын құрады. Бұл өткен жылғы көрсеткіштен 3 есе жоғары.

Ал бидай экспорты өткен жылдың сол кезеңімен салыстырғанда,  3 есеге немесе 56,8 млн. АҚШ долларына өсті.

  Импорттық тауар айналымы 27,7 млн. АҚШ долларына жетті. Оның 56 пайызы - сүт өнімдерін өңдеу жабдықтары.

 Солтүстік Қазақстан облысының сыртқы айналымы 200 млн. АҚШ долларынан астам соманы құрады.