СҚО-да қар құрсауынан 39 адам құтқарылды

ПЕТРОПАВЛ. ҚазАқпарат - Солтүстік Қазақстанда қар құрсауынан 39 адам құтқарылды. Бұл туралы СҚО ТЖД баспасөз қызметі хабарлады.

«18 қаңтарда Қызылжар, Есіл аудандарында көліктердің омбы қарға батқан 3 жағдайы тіркелді, Ішінде 39 адам бар 12 автокөлік (көпшілігі жеңіл көлік) қар құрсауында қалған. СҚО ТЖ департаментімен үйестірілген жұмыс нәтижесінде қажетті техниканы тарта отырып, әкімдік, жедел ден қою жасағы, жол полициясы күштері адамдарды қар құрсауынан құтқарып, жолдарды тазалаумен айналысты», - делінген хабарламада. Қаза тапқандар мен адамдардың үсіп қалу фактілері тіркелген жоқ.