СҚО-да өткен жылы инфляция деңгейі 6 пайызды құрады

ПЕТРОПАВЛ. 30 қаңтар. ҚазАқпарат - Солтүстік Қазақстан облысында 2012 жылы инфляция деңгейі алдыңғы жылдың көрсеткіштерінен төмен болып, 6 пайызды құрады.

Бұл ақпарат жергілікті және республикалық БАҚ өкілдері үшін өткен брифинг барысында айтылды.

Статистика департаментінің бастығы Ольга Перепечинаның айтуынша, сиыр еті бағасының айтарлықтай қымбаттауы тіркелді - 14,6 пайыз, шошқа еті - 15,7 пайызға қымбаттады. Жылқы еті мен қой еті аздап қымбаттады. Көкөністердің бағасы 6,7 пайызға өсті.

Сондай-ақ брифингте облыс экономикасының дамуындағы оң беталыстары тұрғындардың өмір деңгейі мен еңбек нарығының жағдайына жақсы әсер тигізіп жатқаны атап өтілді. Жұмыссыздық деңгейінің төмендеуі, тұрғындардың орташа жиынтық атаулы ақша табысының өсімі байқалуда.