СҚО-да жолаушылары бар шағын автобус жолдан шығып кетті

ПЕТРОПАВЛ. ҚазАқпарат - 9 жолаушысы бар микроавтобустың жолдан шығып кетуіне көктайғақ себеп болды, деп хабарлайды «ҚазАқпарат» ХАА тілшісі СҚО ТЖД баспасөз қызметіне сілтеме жасай отырып.
None
None

«Mercedes Benz Vito» микроавтобусы Бішкектен Екатеринбургқа бет алған. Петропавл-Курган тасжолында  Мамлют ауданының Покровка ауылына жақын қалғанда жүргізуші машинаны басқара алмай, жолдан шығып, орға түсіп кеткен. 

null

Оқиға болған жерден 9  адам, оның үшеуі балалар эвакуацияланды. Олар  жол маңындағы дәмханаға жылыну пунктіне жеткізілді.   Қаза тапқандар мен зардап шеккендер жоқ. Машинаны жол қызметі қызметкерлері ордан итеріп шығарды.

null 

Сол күннің өзінде дәл осы тасжолда Покровка және Краснознаменное  ауылдары арасында Бішкектен Мәскеуге жол тартқан «Setra» автобусы сынып, тоқтауға мәжбүр болды.  Автобуста 54 адам болды, оның 3-еуі балалар. Ауа райы жағдайына байланысты жолаушылар Мамлютка қаласының теміржол вокзалына көшірілді және оларға  қазақ мектеп-интернатында ыстық тамақ берілді. Келесі күні жөндеу жасалған автобус жолаушыларын алып Ресей Федерациясының шекарасына дейін жол полициясының еріп жүруімен бағыты бойынша қозғалысын жалғастырды.  

null 

Соңғы жаңалықтар