СҚО-да жұмыссыз жастарға арналған IT-орталықтар ашылады
«Нұр Отан» партиясының филиалы, жұмыспен қамту және әлеуметтік бағдарламаларды үйлестіру басқармасы және «Есіл» өңірлік даму орталығы осындай меморандумға қол қойды. Жобаның алғашқы жылында 100-ден астам адам оқытылмақ.
«Партия жаңа әлеуметтік жобаларды бекітті. Соның бірі - «Цифрлық партия» болса, екіншісі - «Балаларға арналған тегін ІТ-сыныптарын ашу». Осы бағдарлама аясында 3,6 мыңнан астам баланы оқытуды жоспарлап отырмыз. Ал үшінші жоба аясында жоғары білікті мамандар оқитын ІТ-орталықтары ашылады», - дейді «Нұр Отан» партиясы Солтүстік Қазақстан филиалы төрағасының бірінші орынбасары Артур Молдағұлов.
Оның айтуынша, жоба қатысушылары ең қажетті цифрлық дағдыларды меңгеріп, қазіргі бағдарламалау тілдерін үйренеді. ІТ-орталықты бітіргендерге келесіде жұмысқа орналасуға көмек беріледі.
ІТ-орталықтардың тізімін жұмыспен қамту және әлеуметтік бағдарламаларды үйлестіру, білім басқармалары белгілейді. Оның алғашқы екеуі күзде жұрт игілігіне беріледі. Бірі Оқушылар сарайында ашылса, екіншісі М. Қозыбаев атындағы СҚМУ базасыда құрылады.