СҚО-ның Шал ақын ауданының әкімі қызметіне Ербол Сағдиев тағайындалды

ПЕТРОПАВЛ. ҚазАқпарат - Солтүстк Қазақстан облысының әкімі Ерік Сұлтановтың өкімімен және ҚР Президентінің Әкімшілігімен келісіле отырып, Шал ақын ауданының әкімі қызметіне Ербол Болатұлы Сағдиев тағайындалды, деп хабарлады өңір басшысының баспасөз қызметі.

«Ербол Сағдиев 1961 жылы Солтүстік Қазақстан облысы Есіл ауданының Өндіріс ауылында туған. 1983 Алматы зооветеринарлық институтын, зооинженер мамандығымен, 2010 жылы Ш.Уәлиханов атындағы Көкшетау мемлекеттік университетін, құрылыс бакалавры мамандығымен бітірген», - делінген хабарламада.

Еңбек жолын 1985 жылы Қостанай мемлекеттік облыстық ауыл шаруашылығы тәжірибе стансасында №3 бөлімшенің зоотехнигі болып бастады. 1985-1988 жылдары Көкшетау ауданының КПСС 24-ші съезі атындағы кеңшарында селекционер-зоотехник, бас зоотехнк болып жасады. 1988-1992 жылдары - Көктшетау ауданы КПСС 24-ші съезі атындағы кеңшардың директоры. 1982-1998 жылдары - Солтүстік Қазақстан облысы Зеренді ауданының «Қонысбай» АҚ төрағасы. 1998-200 жылдары - Ақмола облысының Зеренді ауданында «Сушы» АҚ төрағасы. 2000-2002 жылдары - Ақмола облысы Зеренді ауданы әкімінің орынбасары.

2002-2003 жылдары - Ақмола облысы Зеренді ауданы «Сушы» қалалық коммуналдық кәсіпорнының директоры. 2003 жылы - Ақмола облысының Зеренді ауданында «Қазмұнайгаз» ЖШС-ның «Сұңқар» сауықтыру кешенінің директоры болды. 2003-2012 жылдары Ақмола облысы Зеренді ауданының әкімі. 2012-2013 жылдары - Ақмола облысы Атбасар ауданының әкімі. 2013 жылдан осы тағайындалуға дейін Ақмола облысы Сандықтау ауданының әкімі болып қызмет атқарды.

.