СҚО-ның Сыбайлас жемқорлыққа қарсы қызметіне жаңа басшы келді

ПЕТРОПАВЛ. ҚазАқпарат – ҚР Сыбайлас жемқорлыққа қарсы іс-қимыл агенттігінің басшысы Алик Шпекбаев ведомствоның Солтүстік Қазақстан облысы бойынша департаментінің жаңа басшысын тағайындады, деп хабарлайды ҚазАқпарат тілшісі.

Бұл жайында Facebook әлеуметтік желісіндегі ресми парақшасында ҚР Сыбайлас жемқорлыққа қарсы іс-қимыл агенттігінің СҚО бойынша департаменті (Сыбайлас жемқорлыққа қарсы қызмет) басшысының бірінші орынбасары лауазымына тағайындалған Нұрлан Жахин мәлім етті.

Ернар Баянғазин 1978 жылы 5 қазанда Шығыс Қазақстан облысында дүниеге келген. 2000 жылы ҚР Ұлттық қауіпсіздік комитетінің академиясын бітірген.

2000 жылдан бастап 2018 жылға дейін Ұлттық қауіпсіздік органдарында қызмет етті.

ҚР Сыбайлас жемқорлыққа қарсы іс-қимыл агенттігінің СҚО бойынша департамент басшысы лауазымына тағайындалғанға дейін Мемлекеттік қызмет істері және сыбайлас жемқорлыққа қарсы іс-қимыл агенттігі Сыбайлас жемқорлыққа қарсы іс-қимыл Ұлттық бюросының Ішкі қауіпсіздік басқармасының басшысы болып жұмыс істеген.