Словакия ЭКСПО-2017 көрмесіне қатысатынын ресми растады

Словакия Республикасы ЭКСПО-2017 Халықаралық мамандандырылған көрмесіне қатысатынын растаған 104-ші ел болды.

Словакия Республикасы Үкіметінің төрағасы Роберто Фицодан ЭКСПО-2017 көрмесінің Комиссары Рәпіл Жошыбаевқа Астанада өткен Словакия елшілігі өкілдерімен кездесу барысында осындай мағынадағы хат табысталды.

2010 жылдың қараша айында Словакия Республикасының Үкіметі жаңғыртылатын энергия көздері (ЖЭК) ресурстарынан өндірілетін энергияға қатысты Ұлттық іс-әрекет жоспарын қабылдады. Жаңа жоспар 2020 жылға қарай 14%-ға дейін ЖЭК пайдалану арттыруды көздейді.

Словакия Үкіметінің ресми позициясына сәйкес, биомасса отынның қазба түрлерінен алынатын энергияның орнын тиімді баса алады. Және сонымен бірге жылу өндіру кезінде қолданылатын табиғи газдың көлемін азайтуға айтарлықтай үлес қосады, деп жазады primeminister.kz.