Солтүстік Қазақстанда 140-тан астам қоныс аударушы отбасылар тұрып жатыр
Жұмыспен қамту және әлеуметтік бағдарламалар басқармасы басшысы Асқар Сақыпкереевтің ақпаратына сүйенсек, ағымдағы жылдың 1 қаңтарында азаматтарды өңірге қоныс аударту іс-шарасын жүзеге асыру аясында 631 адамнан құралған 148 отбасы көшіп келген. Оның ішіндегі 30 адамы бар 12 отбасы 2015 жылы қоныс тепкен.
«2017 жылы жаппай жұмыспен қамту және кәсіпкерлікке тарту бағдарламасы аясында білімі жоқ және қандай да бір біліктілігі жоқ жұмыссыз қоныс аударушыларға білім беріледі», - деп айтты Асқар Сақыпкереев.
Аппараттық жиналыстың қатысушылары Үкіметтің кеңейтілген отырысының қорытындысы бойынша Мемлекет басшысының тапсырмасын қарады.
«Мемлекет басшысының «Қазақстанның үшінші жаңғыруы: жаһандық бәсекеге қабілеттілік» атты Жолдауындағы 164 тапсырманы орындау бойынша шаралар қолданыңыздар. Жалпы ішкі өнімді 5%-ға тұрақты түрде өсуін қамтамасыз ету керек. Еңбек өнімділігін 6%-ға арттыру қажет», - деп атап өтті облыс әкімі.
Президент жүктеген тапсырмаларды жүзеге асыру мақсатында өңір басшысы бизнес, мемлекеттік сатып алу, өнеркәсіп, агроөнеркәсіптік кешен, денсаулық сақтау, білім беру, мемлекеттік қызмет және ЭКСПО-2017-ге қатысу бойынша жауапты ведомстволарға тиісті тапсырмалар берді.