Солтүстік теңізіндегі кемелердің соқтығысуына қатысты 59 жастағы ер адам ұсталды

АСТАНА. KAZINFORM – Ұлыбританияда 59 жастағы ер адам Англия жағалауында танкер мен жүк кемесі соқтығысқан cоң келесі күні «адам өлтірді» деген айыппен қамауға алынды, деп хабарлайды Euronews.

Бұл туралы сейсенбі күні полиция хабарлады.

Solong кемесі әлі жанып жатыр, экипаждың бір мүшесі із-түзсіз жоғалған. Теңіз көлігі жөніндегі мемлекеттік хатшы Майк Кейннің мәліметінше, Stena Immaculate танкеріндегі өрт сөндірілген сияқты. Үкімет апат қазіргі уақытта теңіз ортасын айтарлықтай ластамағанын мәлімдеді.

Ұлыбританияның жағалау күзеті құтқару жұмыстарына бірнеше кеме жіберді.

Соқтығысу экологиялық апат қаупін тудырып отыр. Бірақ жүк кемесінің иесі, немістің Ernst Russ Group компаниясы оның контейнерлік кемесі натрий цианидін тасымалдамағанын алға тартып отыр, бұл бастапқы ақпаратқа қайшы келеді.

- Ендігі басты мәселе кемеде әлі өрт болып жатыр ма ? Біз қазір ең алдымен кемеге жақындап, температураны өлшеуіміз керек. Бұған дейін кемеге, әсіресе контейнерлік кемеге жақындауға рұқсат етілмеген болса, қазір рұқсат бар. Бұл улы газдардың ықтимал шығарындыларына байланысты болды, - деді Boskalis бас директоры Питер Бердоукси.

Сейсенбіде премьер-министр Кейр Стармердің баспасөз хатшысы бұл істе қылмыстың ізі бар екенін айтып, қазір «сенуге негіз жоқ» деп мәлімдеді.

Бұған дейін Ұлыбритания жағалауында мұнай танкері мен жүк кемесі соқтығысқанын жазған болатынбыз.