Соңғы 10 жылда мемлекеттік әлеуметтік тапсырысқа 11 млрд. теңге бөлінді
«2013 жылы орталық мемлекеттік органдар тарабынан мемлекеттік әлеуметтік тапсырысқа 2 млрд. теңге бөлінді. Соңғы 10 жылда бұл сан шамамен 11 миллиардты құрады», - деді ол.
Б.Майлыбаевтың атап өтуінше, қазіргі уақытта мемлекеттік әлеуметтік тапсырысты 8 министрлік пен ведомство орналастырады. Бұл бағыттағы жұмыстарды басқа да ведомстволар қолға алатын болады.
Сонымен қатар Президент Әкімшілігі басшысының орынбасары өз сөзінде белгілі бір тапсырысты ҮЕҰ-лардың бірнеше жыл ішінде атқаруына мүмкіндік беретін әдістеме жасау керектігін баса айтты. Оның пайымынша, бұл олардың жұмыстарының сапасын арттыра түседі. Бұдан бөлек ауылдық жерлердегі және шағын қалалардағы ҮЕҰ-лардың жұмыстарын белсендендіру қажет. Қазіргі уақытта ҮЕҰ жұмыстарының 80 пайызы республикалық деңгейде орындалуда.