13:54, 01 Маусым 2017 | GMT +5
Сот Қарағанды облыстық ТЖД басшысының орынбасарына тағайындалған айыппұл түріндегі жазаны қабылдамады
ҚАРАҒАНДЫ.ҚазАқпарат - Қарағанды соты Қарағанды облысы Төтенше жағдайлар департаменті басшысының орынбасары Вадим Магамадовқа үкім шығарудан және 12 млн айыппұл тағайындаудан бас тартты. Сауда үйіндегі өрт хабарлағышының жоқтығына байланысты кәсіпкерді жауапкершілікке тартпай, 200 мың теңге пара алған Магадамов өз кінәсін мойындады, деп хабарлайды «ҚазАқпарат» ХАА тілшісі.
Сот айғақтарға баға беруге және Магамадовтың жемқорлық қылмысқа қатысы бар немесе жоқ екендігін шешуге дайын еместігін айтты. Алайда сот қаулысы хабарланғанда прокурорлар тағайындаған 12 млн айыппұл азаматтық қорғаныс полковнигіне артылған қылмысқа сәйкес келмейтіндігі хабарланды. 