Сот сараптамалық орталығы мен Діндерді зерттеу орталықтары өзара ынтымақтасуға келісім жасасты

АСТАНА. ҚазАқпарат - Бүгін ҚР Әділет министрлігінің Сот сараптамалық орталығы мен «Діндерді зерттеу орталығы қауымдастығы» заңды тұлғалар бірлестігі арасында өзара ынтымақтастық туралы меморандумға қол қойылды.

Құжатты аталған орталықтың директоры Исидор Борчашвили мен бірлестік басшысы Юлия Денисенко рәсімдеді. Меморандум дін мәселесі бойынша ғылыми-зерттеу және әдістемелік жұмыстар саласында біріккен жобалар мен ғылыми-әдістемелік бағдарламалар әзірлеуді қарастырады. Сот сараптамалық орталығы директорының атап өтуінше, ағымдағы жылдан бастап сот-дінтанушылық сараптамасы жеке сот сараптамасы түрі ретінде енгізілген. Тараптардың пайымынша, мұндай сипаттағы ынтымақтастық екі жақ үшін де тәжірибе алмасуға мүмкіндік беріп, сарапшылардың кәсіби деңгейін арттыратын болады.