Спорттық гимнастикадан Азия чемпионатына қатысатын қазақстандық спортшылар анықталды
АСТАНА. KAZINFORM - Өзбекстан астанасы Ташкент қаласында өтетін спорттық гимнастикадан Азия чемпионатына қатысатын қазақстандық спортшылар белгілі болды.
Құрлықтық дода 16-27 мамыр күндері жалауын көтереді. Онда Олимпиаданың соңғы жолдамасы сарапқа салынады.
Спорттық гимнастикадан ел құрамасының бас бапкері Александр Кимнің айтуынша, қазақстандық спортшылар Азия чемпионатына толық дайын. Жарысқа 2024 жылғы Париж Олимпиадасына жолдама алған Милад Карими мен Нариман Курбанов та қатысады. Одан бөлек, көпсайыстан Фарух Набиев, Диас Тойшыбек, Дмитрий Патанин, Ілияс Азизовтерге сенім артылады.
Басты қарсыластар – Солтүстік Корея, Өзбекстан, Вьетнам және Қытайлық Тайпейден келетін көпсайысшылар.
Айта кетсек, ел құрамасы қоржынында Париж Олимпиадасына берілген 51 жолдама бар.
