Степногордің жылу жүйесі апаттан соң қалпына келтірілді

Степногор қаласында кварталішілік жылу магистраліндегі апат жойылып, тұрғын үйлерге жылу беріле бастады, деп хабарлайды Kazinform.

- 8 желтоқсанда 08:10-да дәнекерлеу жұмыстары аяқталып, жүйеге су жіберілуде. «Степногорск Теплотранзит» ЖШС мамандары қала тұрғындарының үйлерінде жылумен жабдықтауды қалпына келтіру және апатты жою бойынша жұмыстар жүргізді. Оны аймақ басшысы Марат Ахметжанов өзі бақылап жүр», - делінген облыс әкімдігі баспасөз қызметінің мәліметінде.

Айта кетсек, кеше кешке Ақмола облысының Степногор қаласында кварталішілік жылу магистраліндегі апат болып, бірқатар көпқабатты тұрғын үйлер жылусыз қалған еді.