Странджа-2025: Қазақ қыздарының финалдағы қарсыластары белгілі болды

АСТАНА. KAZINFORM — Болгария астанасында өтіп жатқан бокстан халықаралық «Странджа кубогінде» финалға шыққан қазақстандық боксшылардың қарсыластары белгілі болды.

Олар:

48 келі. Әйгерім Сәттібаева vs Мевда Асенова (Болгария)

54 келі. Әнел Сақыш vs Ярем джам Нилай (Түркия)

57 келі. Айдана Забынбекова vs Ши-и Ву (Қытай)

60 келі. Римма Волосенко vs Донжета Садику (Косово)

81 келі. Жібек Жарасқызы vs Риду Бу (Қытай)

+81 келі. Ләззат Күнгейбаева vs Дина Исламбекова

Әйелдер арасында аса ауыр салмақта қос қазақстандық боксшы бір-бірімен алтын медальді сарапқа салмақ. Олар Ләззат Күнгейбаева мен Дина Исламбекова. Күнгейбаева жартылай финалда түркиялық боксшы Сейма Дузташты ұтса, Исламбекова финалға жекпе-жексіз бірден шықты.

Естеріңізге сала кетсек, осыған дейін Қазақстан әйелдер құрамасынан 8 бұрымды боксшы қола медальға қол жеткізгенін жазған болатынбыз.

Ал ерлер 1 наурыз күні жартылай финалда бақ сынап, ақтық бәсеке үшін сынға түседі.

Ерлер құрамасынан жартылай финалға 18 боксшы шыққан болатын.