Странджа кубогі – 2025: Айбек Оралбай да қарсыласын нокаутқа түсірді

АСТАНА. KAZINFORM — Болгария астанасы София қаласында өтіп жатқан дәстүрлі халықаралық Странджа турнирінде қазақстандық боксшы Айбек Оралбай да қарсыласын айқын басымдықпен ұтты.

Странджа кубогі – 2025: Айбек Оралбай да қарсыласын нокаудқа түсірді
Фото: Kazinform

Париж Олимпиадасынан кейін 92 келі салмаққа ауысқан Айбек аталған турнирде пәкістандық боксшы Абдул Вахаб Тахирға қарсы жекпе-жекке шыққан болатын.

Нәтижесінде рингтегі төреші айқасты бірінші раунд аяқталмай-ақ тоқтатты. Осылайша Нұрбек Оралбайдың егізі де қарсыласын мерзімінен бұрын техникалық нокаутпен ұтып, келесі айналымға қиналмай өтті.

Енді Айбек 1/4 финалда франциялық Годстим Идемудиямен кездеседі, ол өз кезегінде 1/8 финалда Өзбекстан атынан сынға түсіп жатқан қазақ боксшы Арман Махановты жеңді.

Естеріңізге сала кетейік, осыған дейін Айбек Оралбайдың егізі Нұрбек алғашқы айқасында қарсыласын нокаутпен жеңгенін жазған болатынбыз.
Сонымен қатар, Бекзат Нұрдәулетов та өз кезегінде өзбек боксшысын бірінші раундта нокаутқа түсірді.

Соңғы жаңалықтар