Су добынан Қазақстан ерлер құрамасы Азия чемпионатының қола жүлдеcін иеленді

АСТАНА. KAZINFORM - Қытайдың Чжаоцин қаласында ерлер мен әйелдер арасында ватерполдан Азия чемпионаты өтіп жатыр. Аталған додада Қазақстан ерлер құрамасы үздік үштіктен көрінді. 

Нақтырақ айтсақ, бүгін су добынан Қазақстан ерлер командасы Қытайдың Чжаоцин қаласында өтіп жатқан Азия чемпионатында қола медаль үшін Иранға қарсы ойнаған болатын. Нәтижесінде қарсыластарын 16:14 есебімен қапы қалдырып, қола медальға қол жеткізді.

Қазақстан ерлер құрамасының Азия чемпионатындағы нәтижесін назарларыңызға ұсынамыз: 

1995 жылы - алтын

2000 жылы - алтын

2005 жылы - қола 

2009 жылы - күміс

2012 жылы - алтын 

2015 жылы - қола

2016 жылы - күміс

2022 жылы - қола

2023 жылы - қола

2025 жылы - қола

Естеріңізге сала кетейік, осыған дейін Қазақстан ерлер құрамасы жарыстың ширек финалында Оңтүстік Кореяны 22:9 есебімен ойсырата жеңіп, жартылай финалға шыққанын жазған едік.